अवघ्या सात मिनिटांत राजगुरुनगरमध्ये ‘तस्कर’ जेरबंद

राजगुरुनगर येथील वन्यजीव संरक्षण संस्थेचे सदस्य आणि सर्पमित्र समूहातील सदस्य ज्येष्ठ सर्पमित्र देवराम शिंदे यांना पोखरकर यांच्या घरातील स्थितीची माहिती दिली. त्यानंतर काही मिनिटांत देवराम शिंदे यांनी घटनास्थळी धाव घेतली.

अवघ्या काही मिनिटांत पूर्ण वाढ झालेल्या तस्कर जातीच्या बिनविषारी सापाला सुरक्षितरित्या पकडून रेस्क्यू करत जीवदान दिले. साप बिनविषारी असला तरी केवळ त्याची नेमकी ओळख नसल्याने लोक घाबरतात.

तत्परतेमुळे विश्वराज नाईकरे याचे सर्वस्तरातून कौतुक होत आहे. राजगुरुनगर शहर आणि परिसरातील नागरिकांनीही अशीच जागरूकता दाखवित आपल्या परिसरातील कोणत्याही प्रकारचे साप आढळून आले, तर त्यांना न मारता जवळच्या सर्पमित्रांना कळवावे, असे आवाहन वन्यजीव संरक्षण संस्थेचे सदस्य व लाईफ जागतिक पर्यावरण संस्थेचे समन्वयक संजय नाईकरे यांनी केले आहे.