‘गावं तसं चांगलं पणं…’ : शंभर वर्षांची बिनविरोध परंपरा खंडित; खेड तालुक्यातील ‘या’ गावच्या निवडणुकीत तीन पॅनलमध्ये झाली कडवी झूंज

दोंदे विविध कार्यकारी सेवा सहकारी सोसायटीवर राष्ट्रवादी पुरस्कृत शेतकरी पॅनलचे निर्विवाद वर्चस्व; श्री भीमाशंकर पॅनलला अवघ्या दोन जागा

दोंदे सोसायटीच्या १३ जागांपैकी इतर मागास प्रवर्गातून आनंदराव राघुजी मेहत्रे आणि अनुसूचित जाती-जमाती गटातून शाम ठाकर हे दोघे जण ‘कपबशी’ समर्थक पॅनलमधून बिनविरोध  निवडून आले. उर्वरित १० जागांसाठी ४४६ मतदारांपैकी ४०४ मतदान झाले.

सर्वसाधारण खातेदार कर्जदार प्रतिनिधी गटातील आठ जागांसाठी १४ उमेदवार रिगंणात होते. या गटात ४०३ मतदानापैकी २७ मते बाद झाली, तर २७६ मते वैध ठरली.

निवडणुक केंद्राध्यक्ष भरत हुलावळे, रमेश पाचारणे, राम नाणेकर, अर्जन भोकसे, गणेश निकम, निचिकेत प-हाड, सचिव बाळासाहेब बबन बारणे यांनी कामकाज पाहिले.

दाेंदे सोसायटी निवडणुकीतील विजयी उमेदवार

ज्ञानेश्वर काळे, ज्ञानेश्वर कदम, जितेंद्र कोहिणकर, महादू बनकर, प्रकाश सुकाळे, दत्तात्रय शितोळे, शंकर उढाणे, धोंडीभाऊ भालसिंगे, संध्या बारणे, कविता सुकाळे हे दहा उमेदवार निवडून आले. तर आनंदराव मेहत्रे, शाम ठाकर हे दोघे बिनविरोध निवडून आल्याचे निवडणूक निर्णय अधिकारी श्रीमंत लादे यांनी जाहीर केले.

मातब्बरांना नवमतदारांच्या पॅनलकडून टक्कर

सहकार क्षेत्रातील ज्येष्ठ नेते मारुती आप्पा बारणे, सदाशिवराव कोहिणकर यांच्या ‘कपबशी’ चिन्हावरील शेतकरी सहकार विकास पॅनलपुढे शिवकुमार सुकाळे, अमोल सुपेकर आणि नितीन सुकाळे यांच्या श्री भैरवनाथ शेतकरी सहकारी परिवर्तन पॅनलने ‘घड्याळ’ चिन्हावर पाच जागांवर उमेदवार उभे केले होते. या उमेदवारांनी ‘कपबशी’ चांगलीच गरम केली. या निवडणुकीत श्री भिमाशंकर शेतकरी सहकारी विकास पॅनलच्या तीन उमेदवारांनी स्वतंत्र पॅनल करुन चांगली लढत दिली. विमानाने हवेत घिरट्या घालत विजयाचे गणित बिघडून टाकत ‘कपबशी’ला विमानाने कमालीची टक्कर दिली. या निवडणुकीत उमेदवारांना मतदारांपर्यंत आपल्या चिन्हाचा प्रचार करण्यासाठी चागंलीच तारेवरची कसरत करावी लागली.

उमेदवारनिहाय मिळालेली मते पुढीलप्रमाणे

शंकर विठ्ठल उढाणे (२१३), ज्ञानेश्वर नागेश कदम (२९६), सुखदेव एकनाथ करंडे (८७), ज्ञानेश्वर बजरंग काळे (३०९), जितेंद्र सूर्यकांत कोहिणकर (२८५), महादू तुकाराम बनकर (२५४), हरिभाऊ गेनभाऊ बारणे (१२७), धोंडीभाऊ रामभाऊ भालसिंगे (२१०), पांडुरंग तुकाराम भालसिंगे (७४), दत्तात्रय धोडींबा शितोळे (२२०), दामू शंकर सुकाळे (१४०), प्रकाश दत्तात्रय सुकाळे (२५४), रमेश धर्मा सुकाळे (१३७), शिवाजी रामभक्त सुकाळे (१३७).
महिला गटातील दोन जागांसाठी झालेल्या चौरंगी लढतीत ४०३ मतदानापैकी २२ मते बाद झाली. तर ३७९ मते वैध ठरली. मीना सोपानराव उढाणे (१२७), संध्या दतात्रय बारणे (२५८), कविता मच्छिंद्र सुकाळे (२४८), सुनंदा मोहन सुपेकर (९४).