आता राज्यात ऑनलाईन स्वरुपाचे ई रेशन कार्डच मिळणार

पुणे । सह्याद्री लाइव्ह । राज्यात आता यापुढे ऑनलाईन स्वरुपाचे ई रेशन कार्डच मिळणार आहे. त्याचे वितरण सुरू झाले आहे. आता रेशन कार्डची मागणी झाली किंवा त्यात काही दुरूस्ती करण्याची वेळ आली तर त्यापुढे ई रेशन कार्डच दिले जाणार आहे. यामुळे जुनी पारंपारिक रेशन कार्ड टप्प्याटप्प्याने बंद होणार आहे.

यापुढे ऑनलाईन रेशन कार्ड देण्याचा निर्णय राज्य शासनाने घेतला आहे. त्यामध्ये प्रत्येकाला वेगळा असा क्यूआर कोड असणार आहे. या प्रणालीमुळे नागरिकांना नवीन रेशन कार्डसाठी अर्ज करणे, पत्ता बदलणे, नावातील दुरूस्ती तसेच नवीन नाव समाविष्ट करणे किंवा वगळणे ही कामे आता घरबसल्या करता येणार आहेत.