उत्तर पुणे जिल्ह्यातील राजगुरुनगर सहकारी बँकेची नवी ‘श्रीराम ठेव योजना’

अध्यक्ष दिनेश ओसावाल यांची माहिती : २२ जानेवारी ते ३१ मार्च कालावधीत ग्राहकांना मिळणार लाभ

त्यासाठी बँकेने ७.७५ टक्के हा विशेष व्याजदर आकारला आहे. या आवर्त ठेवीचा कालावधी ६० महिने ठेवण्यात आला आहे. ही ठेव योजनेत, मासिक रक्कम ७०० रूपयांच्या पटीत ठेवता येणार आहे. ही योजना २२ जानेवारी २०२४ ते ३१ मार्च २०२४ एवढयाच कालावधीसाठी आहे. या ठेव खात्यालही ठेवी संबंधित अटी शर्ती लागू असणार आहेत, असे ओसवाल म्हणाले.

या आवर्त ठेव योजनेनुसार जर ७०० रूपये प्रति महिना आवर्त ठेव खात्यात जमा केले, तर ५ वर्षांनी ठेवीदारास ५१ हजार ३६२ रूपये मिळणार आहेत. तसेच १४०० प्रति महिना ठेवल्यास १ लाख २ हजार ७२४ रूपये मिळणार आहेत. म्हणजेच १४०० रूपये प्रति महिना जमा केल्यास पाच वर्षांत ठेवीदार लखपती होणार आहे. या योजनेसाठी सध्याच्या परिस्थितीत तुलनात्मकदृष्टया आपण उत्तम व्याजदर देत आहोत. इच्छुक खातेदारांनी या सुवर्णसंधीचा फायदा घ्यावा, असे अध्यक्ष ओसवाल यांनी स्पष्ट केले आहे.

या ठेव योजनेप्रमाणे बँकेने या वर्षी नाविन्यपूर्ण कर्ज योजनाही कार्यान्वित केलेल्या आहेत.  या योजनांमध्ये शेतीपूरक कर्ज योजना असून त्याद्वारे जमीन सपाटीकरण, नवीन विहिर खोदाई, पाईपलाईन, विद्युत व सौर कृषी पंप, ट्रॅक्टर, हार्वेस्टर मशीन, मळणी यंत्र, शेतमाल गोडाऊन, शीतगृह, गोठा बांधकाम आदींकरिता कर्ज देण्यात येते.

तसेच घरगुती सौर प्रकल्प व इंडस्ट्रियल रूफ टॉप सौर प्रकल्प उभारणीकरिता ५० लाखांपर्यंत कर्ज वाटप करण्यात येते. घरदुरूस्ती व घर नुतणीकरणासाठीही कर्ज योजना सुरू करण्यात आली असून, महानगर क्षेत्रात १० लाखांपर्यंत व अन्य ठिकाणी ६ लाखांपर्यंत कर्ज देण्यात येत आहे. तसेच बँक शैक्षणिक कर्ज ७५ लाखापर्यंत देत आहे. या कर्ज योजना ११ टक्के या सवलतीच्या दराने सुरू केल्या आहेत, असे ओसवाल यांनी सांगितले.