कोहिंडे बु. गावच्या शाळांमध्ये भारतरत्न जे. आर. डी. टाटा जयंती सप्ताह

या जयंती सप्ताहानिमित्त सोमवारी (दि. २४) विद्यालयामध्ये जे. आर. डी. टाटा यांच्या प्रतिमेचे पूजन करून सप्ताहाची सुरूवात करण्यात आली. टाटा मोटर्स भोसरी येथील पदाधिकारी विठ्ठल वाघचौरे या कार्यक्रमाला उपस्थित होते. वाघचौरे यांनी मनोरंजक पद्धतीने विद्यार्थ्यांना प्रश्न विचारून जे. आर. डी. टाटा यांच्या जीवन कार्याविषयी माहिती दिली. यावेळी विद्यार्थ्यांना खाऊचे वाटप करण्यात आले.

यावेळी भास्कर देशमुख, प्रभू पवार, प्रसाद शिंदे, अवंतिका बहकर तसेच दोन्ही विद्यालयांचे विद्यार्थी, मुख्याध्यापक, सर्व शिक्षक आणि शिक्षकेतर सहकारी उपस्थित होते. टाटा मोटर्स भोसरी येथील सेफ्टी डिपार्टमेंटचे हेड विठ्ठल वाघचौरे यांची या कार्यक्रमाला विशेष उपस्थिती होती. विद्यालयाच्या वतीने पाहुण्यांचे आभार मानण्यात आले.