हुतात्मा राजगुरू महाविद्यालयातील 107 माजी विद्यार्थी-विद्यार्थिनींनी तब्बल 20 वर्षांनंतर अनुभवली ‘दुनियादारी’!

जुन्या आठवणींना दिला उजाळा : प्रेमविवाहानंतर 20 वर्षे सुखी संसार करणा-या मित्र-मैत्रिणीला दिले खास ‘सरप्राइज गिफ्ट’

स्वपरिचय आणि मनोगतामधून प्रत्येकाने आपली ओळख करून दिली. मयूर लोखंडे यांनी काही ‘फनी गेम’ घेत उपस्थितांची ‘परीक्षा’ घेत निखळ मनोरंजन केले. यावेळी हर्षदा तांबे, सविता करंडे, सतीश डांगले, साधना गोगावले, निर्मला आडागळे, गणेश कोबल, विजय खंडागळे, संतोष कोकणे, रुपाली थिगळे, माऊली पिंगळे, संतोष चौधरी, राजेश दौंडकर, भावेश टाकळकर आदींनी मनोगत व्यक्त केले. यावेळी मैत्री जपत सर्वत्र वावरणारा गोविंद घनवट यांनी धम्माल उडवून दिली.

दरम्यान, आकस्मित निधन झालेल्या नीलम बोरकर, सतीश मांजरे, संदीप शिंगाडे, रोहिणी तांबे यांना श्रद्धांजली वाहण्यात आली. तसेच सकाळी अल्पोपहार, स्वादिष्ट जेवण आणि चहा-नाश्त्याची व्यवस्था करण्यात आली होती. कार्यक्रम आभाराकडे वळाल्यानंतर बहुतेकांचे डोळे पाणावले. पुन्हा भेट कधी होईल? अशी विचारपूस करीत एकमेकांना निरोप घेतला.

हल्ली धकाधकीच्या आयुष्यात स्वतःच्या दुनियेत रमलेल्या मित्र आणि मैत्रिणी यांना कॉलेज जीवनाची आठवण यावी, यासाठी या मेळाव्याचे नियोजन केले. तत्कालीन विद्यापीठ प्रतिनिधी रूपेश बुट्टे पाटील, अंकुश कारले, गायत्री कोरे, बबन होले, रोहिदास होले, मयूर लोखंडे, पौर्णिमा जगदाळे, दत्ता सरडे यांनी स्नेहमेळाव्याचे संयोजन करीत गेट-टुगेदर यशस्वी केले.

प्रास्ताविक शीतल भंडलकर यांनी केले. सूत्रसंचालन कवी संतोष गाढवे यांनी केले. पौर्णिमा जगदाळे यांनी आभार मानले.

प्रेमविवाह अन्‌ सुखी संसाराला ‘सरप्राइज गिफ्ट’…

कॉलेजमध्ये वर्गमित्र बबन होले आणि मैत्रिणी वैशाली हिंगे यांनी विवाह केला. या विवाहाला २० वर्षे पूर्ण होत आहेत. या गेट-टुगेदरच्या माध्यमातून दोघांना ग्रुपतर्फे ‘सरप्राइज गिफ्ट’ देण्यात आले. रुपेश बुट्‌टे पाटील यांनी बबन आणि वैशाली यांना प्रेमाचं प्रतीक असलेल्या राधा-कृष्णाची मूर्ती दिली. गेट-टुगेदरमधील या अगळ्यावेगळ्या सोहळ्यामुळे उपस्थितांमधील उत्साह द्विगुणीत झाला.