सभासद, ठेवीदारांशी ‘ज्योती आवाज’ संस्थेचं कौटुंबिक नातं – जिल्हा उपनिबंधक प्रकाश जगताप

रौप्य महोत्सव समारंभ : माजी सरपंच शांताराम घुमटकर यांना समाजभूषण पुरस्काराने गौरव; डॉ. रमेश दौंडकर यांचा विशेष सन्मान

देशात आगीच्या घटनांबाबत फारसं गांभिर्यानं घेतलं जात नाही, त्यामुळे मोठं नुकसान सहन करण्याची वेळ आपल्यावर येते, अशी खंत व्यक्त करीत डॉ. रमेश दौंडकर म्हणाले की, उद्योगक्षेत्रात आगीच्या घटनेकडे पाहताना पारंपारिक (जुनाट) गोष्टींचा विचार केला जातो. म्हणून देशात आणि औद्योगिक क्षेत्रात आगीच्या घटनांबाबत जनजागृती करणे गरजेची बाब बनली आहे.

यावेळी संस्थेचे संस्थापक कृष्णकुमार शिनलकर, सत्कारमूर्ती शांताराम घुमटकर यांनी मनोगत व्यक्त केले. यावेळी राजगुरुनगर सहकारी बँकेचे उपाध्यक्ष अविनाश कहाणे, खेड तालुका शिक्षण प्रसारक मंडळाचे संचालक बाळासाहेब सांडभोर, राष्ट्रपती पुरस्कार विजेते जि. र. शिंदे, प्रा. गोपीचंद गायकवाड, उपस्थित होते. संस्थेचे संचालक बबनराव थोरात, राजाराम थिगळे, जयंत घोरपडे, मीनाक्षी गुजराथी, ॲड. महादेव घुले, ॲड. मुकूंदराव निगडे, राणी पांढरकर, प्रदीप घुमटकर, अनिल लांडगे, रवींद्र अंकुश, दीपक गायकवाड, राजकुमार शिरसाट उपस्थित होते.

दरम्यान, कार्यक्रमाची सुरुवात दीपप्रज्वलन, प्रतिमा पूजनाने करण्यात आली. स्मरणिका प्रकाशन करण्यात आले. तसेच माजी सरपंच शांताराम घुमटकर यांना संस्थेच्या वतीने समाजभूषण पुरस्काराने गौरविण्यात आले. ‘चांद्रयान ३’मध्ये विशेष कामगिरी करणारे खेड तालुक्याचे सूपूत्र आणि कन्हेरसर गावचे डॉ. रमेश दौंडकर यांचा विशेष सन्मान करण्यात आला. संस्थेतर्फे ज्येष्ठ नागरिक, माजी संचालक, नियमित कर्जदार, सेवकांचा सत्कार करण्यात आला. 

सूत्रसंचालन कैलास दुधाळे यांनी केले. पाहुण्यांचा परिचय ॲड. महादेव घुले यांनी केला. प्रास्ताविकपर मनोगत प्रा. विष्णू लडकत यांनी केले. उपाध्यक्ष विलास भास्कर यांनी आभार मानले.

नोव्हेंबरपासून २५ लाखांपर्यंतचे गृहकर्ज १० टक्के व्याजदर…

प्रास्ताविकपर भाषणात बोलताना संस्थेचे अध्यक्ष विष्णू लडकत यांनी विविध योजनांची माहिती दिली. जिल्हा कार्यक्षेत्र असलेल्या ज्योती आवाज पतसंस्था १ नोव्हेंबरपासून पतसंस्थेमार्फत ठेवीदार आणि कर्जदारांसाठी विविध योजना सुरू करण्यात आल्याचे त्यांनी जाहीर केले. यामध्ये आता पतसंस्थेमधील व्यव्हारासाठी ज्येष्ठ सभासदांना घरपोच कार्यालयात येण्याची गरज नाही, त्यांच्यासाठी घरपोच सुविधा कार्यान्वित करण्यात आली आहे. तसेच सोने खरेदी योजना, मासिक ठेव योजना आणि विशेष म्हणजे एक नोव्हेंबरपासून पतसंस्थेमार्फत गृहकर्जाची खास योजना सुरू केली आहे. २५ लाखांपर्यंतच्या गृहकर्जासाठी १० टक्के व्याजदर ठेवण्यात आला आहे.