येत्या डिसेंबर महिन्यात कोल्हापूरवासियांसाठी पुन्हा महातालवाद्य महोत्सवाचे आयोजन – सांस्कृतिक कार्य मंत्री अमित देशमुख

कोल्हापूर :  राजर्षी छत्रपती शाहू महाराजांनी कलेला प्रोत्साहन दिले , कोल्हापूर ही कलेची , कलाकारांची नगरी आहे, येथे खऱ्या अर्थाने कलावंताच्या कलागुणांना वाव मिळतो म्हणूनच येत्या डिसेंबर महिन्यात पुन्हा रसिक कोल्हापूरवासियांसाठी महा – तालवाद्य महोत्सवाचे आयोजन करण्यात येणार असल्याची ग्वाही सांस्कृतिक कार्य मंत्री अमित देशमुख यांनी दिली. लोकराजा राजर्षी छत्रपती शाहू महाराज स्मृती शताब्दी कृतज्ञता पर्वानिमित्त महाराष्ट्र शासनाच्या सांस्कृतिक कार्य संचलनालयातंर्गंत आयोजित खासबाग मैदान येथे महा – तालवाद्य महोत्सवात ते बोलत होते.

यावेळी मधुरिमा राजे छत्रपती, पालकमंत्री सतेज पाटील, आ .पी. एन. पाटील , आ .राजू आवळे , आ जयश्री जाधव , आ .जयंत आसगावकर ,चित्रनगरीचे संचालक संजय पाटील, सांस्कृतिक कार्य संचनालयाचे संचालक बिभीषण चवरे आदी उपस्थित होते . पालकमंत्री पाटील म्हणाले, या महा -ताल संगीत महोत्सवात अनेक आंतरराष्ट्रीय दर्जाचे कलावंत आपली कला सादर करीत असून हे सर्व कार्यक्रम रसिकांसाठी मोफत असून खासबाग मैदानात सुरू असलेल्या या संगीत मेजवानीचा कोल्हापूरकरांनी आस्वाद घ्यावा असे आवाहन त्यांनी केले .