टीईटी गैरव्यवहार तपासासाठी आठ पथके

ॲन्टिकरप्शनकडून मागवली तुकाराम सुपेची "कुंडली'

संबंधित प्रश्‍नपत्रिका तसेच तांत्रिक बाबींची जबाबदारी जी. ए. सॉफ्टवेअर टेक्‍नोलॉजीज कंपनीकडे होती. त्यांच्याकडे पोलीस भरती परीक्षांचेही काम होते. कंपनीचा संचालक डॉ. प्रीतिश देशमुख हा गैरव्यवहाराचा मुख्य सूत्रधार असून, त्यानेच सुपे, सावरीकर यांच्याबरोबर संगमनत करून गैरप्रकार केल्याचे तपासात उघडकीस आले आहे. तर, सुपे याच्यावरील दाखल प्रकरणाची सविस्तर माहिती देण्याबाबत सायबर पोलिसांनी ऍन्टिकरप्शनला पत्रही पाठवण्यात आले आहे.

प्रश्‍नपत्रिका फूट प्रकरणाची व्याप्ती राज्यातील वेगवेगळ्या भागात आहे. पुणे पोलिसांची पथके औरंगाबाद येथे तपासासाठी गेली आहेत. गैरव्यवहार प्रकरणातील दलालांचा शोध घेण्यात येत आहे. याशिवाय सायबर पोलिसांची पाच पथके तपास करत आहेत. गुन्हे शाखेची तीन पथके सायबर पोलिसांच्या पथकांना मदत करणार आहेत.

– भाग्यश्री नवटके, पोलीस उपायुक्त, सायबर गुन्हे शाखा