सरेवाडी शाळेमध्ये पर्यावरणपूरक रक्षाबंधन; विद्याथिर्निंनी वृक्षांना बांधली राखी
खेड । सह्याद्री लाइव्ह । आदिवासी आणि श्रीक्षेत्र भीमाशंकर पायथ्यालगत असलेल्या सरेवाडी (नायफड) जिल्हा परिषद प्राथमिक शाळेतील पर्यावरणपूर्वक रक्षाबंधन हा सण साजरा करण्यात आला. शाळेतील विद्यार्थ्यांनी वृक्षांना राखी बांधून झाडांच्या रक्षणासाठी आयुष्यभर ‘दोस्ती’चा हात पुढे केला.
पर्यावरणाचे व रक्षाबंधनाचे महत्त्व सांगून पर्यावरणाने भविष्यात मानवी जीवन जगण्यात आनंद निर्माण होणार आहे. भविष्यात पर्यावरणपूरक नागरिक म्हणून हे बालचमू जागतिक तापमान वाढीच्या परिणांमांना तोंड देणार आहे. हे आटोक्यात आणण्यासाठी वृक्षसंवर्धन ही काळाची गरज आहे. वृक्ष हेच आपले बांधव आहे, हे रुजविण्याचे काम या उपक्रमातून साध्य करायचे आहे.
सर्व विद्यार्थ्यांनी राखी बांधून “वृक्षांना द्या मानपान, पर्यावरणाचा राखा मान”, असा संदेश दिला “काम करा लाख मोलाचे, निसर्ग आणि त्यांच्या संवर्धनाचे”, असा जयघोष करत रक्षाबंधन साजरा करण्यात आला. ही माहिती शाळेचे शिक्षक विजयकुमार शेटे यांनी विद्यार्थ्यांना दिली.
कार्यक्रमास उपस्थित शाळेचे मुख्याध्यापक बापूराव दराडे, शालेय व्यवस्थापन समितीचे अध्यक्ष दत्तात्रय शंकर ठोकळ, अंगणवाडी सेविका सुलाबाई ठोकळ, शालेय पोषण आहार पुरवठादार (स्वयंपाक) हिराबाई ठोकळ, रेश्मा विनायक ठोकळ व नायफड गावच्या ग्रामसेविका अलका कोकणे-रहाणे उपस्थित होत्या.
केंद्राचे केंद्रप्रमुख भरत लोखंडे, गटशिक्षणाधिकारी तथा शिक्षण विस्तार अधिकारी जीवन कोकणे व समस्त ग्रामस्थ यांनी या उपक्रमाचे स्वागत केले आहे.
