धबधब्यांचे माहेरघर मंदोशीच्या निसर्गसंपदेचे पर्यटकांना लागले वेड…

सध्या भरपूर पावसामुळे हिरवीगार झाडी आणि वृक्षवेलींना बहर आलेला आहे. जणू काही स्वर्गातील सौंदर्यच फुलून जमीनीवर उतरले आहे. विपुल विविधतेने नटलेली हिरवीगार वनराई व लहान लहान वृक्षांपासून भरपूर उंचीचे वृक्षराज या भागात आलेल्या पर्यटकांना साद घालत आहेत. या भागात दोनशेहून अधिक वनस्पतींच्या जाती तसेच निरनिराळ्या वेली देखील भरपूर प्रमाणात आढळतात.

मावळातील जंगले म्हणजे मूर्तिमंत सृष्टिसौंदर्य, बहारदार पाने, फुले, फळे पाहिली की मन प्रसन्न व आनंदित होऊन जाते. या गावात येणाऱ्या पर्यटकांची ग्रामस्थ ही आस्थेने चौकशी करतात व आवश्यक ते सहकार्यही करतात. मंदोशी गावचे सरपंच एकनाथ तळपे व सामाजिक कार्यकर्ते दत्ता तिटकारे यांनी “इको व्हिलेज” मंदोशी व जावळेवाडी येथील पर्यटन विषयक सुविधांसाठी शासनाने मदत करावी अशी मागणी केली आहे.

लेखक – संजय नाईकरे. चास ता. खेड, जि. पुणे