अण्णासाहेब आवटे महाविद्यालयात जिल्हास्तरीय कबड्डी स्पर्धा

मंचर । सह्याद्री लाइव्ह । येथील रयत शिक्षण संस्थेच्या अण्णासाहेब आवटे महाविद्यालयात पुणे विद्यापीठ व जिल्हा क्रीडा विभाग अंतर्गत मुलांच्या जिल्हास्तरीय कबड्डी स्पर्धेचा शुभारंभ झाला आहे. पुणे जिल्ह्यातील ८७ महाविद्यालयातील संघ सहभागी झाले आहेत.

भीमाशंकर सहकारी साखर कारखान्याचे अध्यक्ष बाळासाहेब बेंडे पाटील, पुणे जिल्हा विभागीय क्रीडा समितीचे सचिव डॉ.सुहास बहिरट व मंचर पोलीस ठाण्याचे पोलीस निरीक्षक सतीश होडगर यांच्या हस्ते स्पर्धेचे उद्घाटन झाले. यावेळी बाळासाहेब बाणखेले, उदय पाटील, प्रा.रावसाहेब गरड, डॉ. रमेश गायकवाड , सहसचिव डॉ. आशिष तळेकर व स्पर्धक उपस्थित होते.