जलजागृती सप्ताहानिमित्त अकोला येथे ‘वॉटर रन’द्वारे जनजागृती

नेहरु पार्क येथून गोरक्षण मार्गाने संत तुकाराम चौक व परत नेहरु पार्कपर्यंत वॉटर रन व चित्ररथाद्वारे जलजागृती करण्यात आली. यावेळी अकोला सिंचन मंडळ व अकोला पाटबंधारे विभागातील अधिकारी  व कर्मचारी यांनी ‘पाणी अडवा पाणी जिरवा’, ‘पाणी बचाव’ अशा घोषणा देत जनजागृतीचे संदेश नागरिकापर्यंत पोहोचविले. यावेळी अकोला पाटबंधारे विभागाचे कार्यकारी अभियंता अ.खु.वसुलकर, अकोला सिंचन मंडळाच्या कार्यकारी अभियंता स्मिता मानकर, उपअधिक्षक अभियंता शिल्पा आळशी, उपविभागीय अधिकारी अनिल राठोड, शाखा अभियंता गोपाल चव्हाण, अकोला पाटबंधारे विभागाचे अधिकारी व कर्मचारी उपस्थित होते.