शिरुर मतदारसंघातील रस्त्यांच्या कामांसाठी माजी खासदार आढळराव पाटील यांनी घेतली नितीन गडकरी यांची भेट

वाहतूक कोंडीचा वस्तूनिष्ठ अहवाल

वाहतूक कोंडीचा वस्तूनिष्ठ अहवाल मांडून प्राधान्याने व गांभिर्याने ही कामे सुरु करण्यात यावी यासाठी आग्रही मागणी केली. या मागणील नितीन गडकरी यांनी सकारात्मक प्रतिसाद देत या कामांचे डीपीआर तातडीने पूर्ण करण्यात येऊन ही कामे लवकरात लवकर सुरू करण्याबाबत निर्देश गडकरींनी दिले.

मुख्यमंत्री एकनाथ शिंदे यांची शिफारस घेऊन हवेली व खेड तालुक्यातून जाणारा धर्मवीर छत्रपती संभाजी महाराज स्मारकस्थळाला जोडणारा देहू-आळंदी-मरकळ-तुळापूर हा रु.५४.२२ कोटी रकमेचा प्रस्ताव केंद्रीय मार्ग निधीतून मंजूरीसाठी सादर झाला आहे. या कामाच्या मंजुरीची मागणीही यावेळी माजी खासदार आढळराव पाटील यांनी केली.

पुणे जिल्ह्यातील प्रमुख महामार्गाचे प्रलंबित प्रकल्प हाती घेण्याबरोबरच धर्मवीर छत्रपती संभाजी महाराज यांची शक्तीस्थळे असलेल्या वढू व तुळापूर मार्गावरील देहु – आळंदी – मरकळ –  तूळापूर रस्ता मजबूतीकरणाच्या ५४ कोटी २२ लक्ष रकमेच्या प्रस्तावास केंद्रीय मार्ग निधीतून प्राधान्याने मंजूरी दिली जाईल, असे आश्वासन केंद्रीय दळणवळण व रस्ते वाहतूक मंत्री नितीन गडकरी यांनी दिले.