विधानसभा अध्यक्ष जेव्हा माहिती आणि जनसंपर्क महासंचालनालयाचे आभार मानतात

पडद्यामागे राहून शासनाची प्रतिमा निर्माण करण्याचा प्रयत्न करणाऱ्या या विभागाला आनंदाचे क्षण तसे कमीच अनुभवायला मिळतात, पण आज विधानसभेच्या विशेष अधिवेशनाच्या निमित्ताने माहिती व जनसंपर्क महासंचालनालयाच्या सर्व अधिकाऱ्यांनी आज केलेले काम उल्लेखनीय ठरले. खुद्द नव नियुक्त विधानसभा अध्यक्ष राहुल नार्वेकर यांनी ट्विट करून माहिती व जनसंपर्क महासंचालनालयाला धन्यवाद दिले आहेत. Thank you @MahaDGIPR हे त्यांचे दोन शब्द आमच्या सर्व अधिकाऱ्यांचे मनोधैर्य वाढविणारे आहेत. खरच आज मनस्वी आनंद झाला. सर्व अधिकारी आणि कर्मचारी यांचे परिश्रम यात महत्त्वाचे आहेत.