राष्ट्रीय पोलीस अश्वारोहण स्पर्धेत हर्ष पोद्दार यांना सुवर्णपदक; पालकमंत्री ॲड. यशोमती ठाकूर यांच्याकडून गौरव

अमरावती : अखिल भारतीय पोलीस अश्वारोहण स्पर्धेत राज्य राखीव पोलीस दलाच्या अमरावती गटाचे समादेशक हर्ष पोद्दार यांना देशात प्रथम क्रमांक मिळून सुवर्णपदक प्राप्त झाले. या यशाबद्दल पालकमंत्री ॲड. यशोमती ठाकूर यांच्या हस्ते पोद्दार यांना गौरविण्यात आले.

पोद्दार यांची राष्ट्रीय स्पर्धेतील कामगिरी महाराष्ट्र पोलीस दलासाठी व संपूर्ण महाराष्ट्रासाठी अभिमानास्पद आहे. अशा शब्दांत पालकमंत्र्यांनी पोद्दार यांचा गौरव केला. राष्ट्रीय अश्वारोहण स्पर्धेत सहभागासाठी पोद्दार यांनी मुंबई पोलीस दलाकडील घोडा वापरला. अश्वारोहणातील कौशल्याने त्यांना संपूर्ण देशात प्रथम क्रमांक मिळाला.